Khutbah Jumat Bahasa Sunda: 7 Golongan nu Meunang Panangtayungan Gusti Alloh 

Setiap hamba pasti ingin selamat di dunia dan akhirat. Siapa pun ingin mendapat perlindungan dan naungan rahmat Allah, terlebih di akhirat ketika tak ada lagi naungan selain naungan-Nya. Rasulullah saw. menyebutkan dalam haditsnya bahwa ada tujuh golongan yang akan mendapat naungan Allah pada hari Kiamat.

 

Khutbah Jumat bahasa Sunda ini berjudul, “Khutbah Jumat Bahasa Sunda: 7 Golongan nu Meunang Panangtayungan Gusti Alloh.” Untuk mencetak silahkan klik fitur download berwarna merah di desktop pada bagian atas naskah khutbah ini. Semoga bermanfaat!

 

Khutbah I

 

إِنّ الْحَمْدَ لِلّٰهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَمِنْ سَيّئَاتِ أَعْمَالِنَا مَنْ يَهْدِهِ اللهُ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ ، أَشْهَدُ أَنْ لَا إِلٰهَ إِلَّا اللهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدّيْن

أَمَّا بَعْدُ، فَيَاعِبَادَ الرَّحْمٰنِ، فَإنِّي أُوْصِيْكُمْ وَنَفْسِي بِتَقْوَى اللهِ المَنَّانِ، الْقَائِلِ فِي كِتَابِهِ الْقُرْآنِ: يَاأَيُّهَا الَّذِيْنَ آمَنُوا اتَّقُوا اللّٰهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ، صَدَقَ اللهُ الْعَظِيْمِ

 

Hadirin sidang Jumah rohimakumulloh   

Sugrining puji anu sampurna sareng pangalem anu sagemlengna eta tetep kagungan Alloh, Dzat anu mika welas ka abdi-abdina, Dzat anu ngaluhurkeun darajat anu bakti ka Anjeunna.

 

Sholawat sareng salam anu utami mugia tetap ka pang afdol-afdolna nabi, nyaeta Kangjeng Nabi Muhammad saw, miwah ka kulawargina, ka para sahabatna, ka tabi’in-tabiatna, dugika urang sadayana salaku umatna anu sapapaosna miharep syafaatna.

 

Hadirin sidang Jumah rohimakumulloh   

Sakumna hamba tangtosna hoyong salamet dunya sinareng akheratna. Sadayana  hoyong kenging pitulung sareng rido Alloh swt, kantenan di akherat tempat sadayana hamba dikempelkeun di padang mahsyar, lapangan anu kacide legana, tempat sadayana amal dihisab tur disidangkeun, tempat sadayana makhluk silih gugat sareng silih dakwa.

 

Teu aya anu janten raja pang kawasana waktos harita anging Alloh swt, sahingga sadaya kadali perkara aya di kakawasaan Mantenna. Teu aya anu gaduh iyuh-iyuhan waktos harita anging Mantenna. Ku kituna teu aya pitulung anu diharepkeun anging pitulung Alloh.

 

Nanging, pitulung Alloh dina waktos eta teu dipasihkeun ka sadayana, tapi dipasihkeunna khusus ka abdi-abdina anu ariman, anu tarakwa alias anu tumut kana parentah Mantenna tur nebihan sagala rupi panyegah-Na.

 

Sakumaha pidawuh Kangjeng Rosul saw. dina salah sawios haditsna:

 

سَبْعَةٌ يُظِلُّهُمُ اللهُ فِيْ ظِلِّهِ يَوْمَ لَا ظِلَّ إِلَّا ظِلُّهُ

Hartosna, “Aya tujuh golongan anu baris diiyuhan ku Alloh dina poe teu aya deui iyuh-iyuh anging iyuh-iyuh Mantenna,” (HR. al-Bukhari, Muslim, sareng sanesna).

 

Sumangga urang perhatoskeun ku sadayana, mugia urang tiasa kalebet golongan anu tujuh atanapi salawiosna. Malahmandar di akherat kenging pitulung sareng rido Allah. Kahiji, anu baris kenging iyuh-iyuh Alloh di akherat teh nyaeta:

 

اَلْإِمَامُ الْعَادِلُ

 

Hartosna, “Pamingpin anu adil,”

 

Dijelaskeun ku Imam Abu Umar Yusuf al-Qurthubi di kitab al-Istidzkar, jilid 7, kaca 298, pamingpin adil teh pamingpin anu marentah sareng ngahukuman sapuk sareng katangtosan ti Alloh sareng Rosul-Na. Pamingpin nu leres-leres ngajalankeun tugas sinareng amanahna. Pamingpin anu nanjeurkeun kaadilan kalayan henteu pandang bulu oge ngutamakeun kasajahtaraan masyarakatna. Pamingin anu tiasa ngaraoskeun gerik batinna rakyat leutik sarta kabijakanna henteu ciut kanu beureum sareng hente ponteng kanu koneng. Tur tangtosna pamingpin anu adil mah pamingpin anu salawasna ngajak rahayatna kana jalan anu dipika rido ku Alloh. Tah pamingpin anu sapertos kitu mah dijangjikeun ku Alloh bakal kenging pitulung sareng iyuh-iyuhna di akherat.

 

Hadirin sidang Jumah rohimakumulloh   

Kadua, golongan anu dijangjikeun bakal kenging iyuh-iyuh Alloh di akherat teh:

 

شَابٌّ نَشَأَ بِعِبَادَةِ اللهِ 

 

Hartosna, “Pamuda anu tuwuh dina perjalanan ibadah ka Alloh,”

 

Rupina pamuda anu tigin kana ibadah mah kenging penghargaan anu istimewa ti Alloh swt. Margi sakumaha kauninga, pamuda teh jalmi nu keur meujeuhna dumeleg tur ngabedah adat, sahingga hese diajak napak dina jalan anu diparido ku Alloh. Jadi teu heran, di akherat golongan pamuda anu taat ibadah ka Alloh mah bakal kenging pitulung sareng rohmat ti Alloh.

 

Anu katiluna golongan anu bakal kenging iyuh-iyuh Alloh teh nyaeta:

 

رَجُلٌ قَلْبُهُ مُعَلَّقٌ فِي الْـمَسَاجِدِ 

 

Hartosna, “Pameget anu hatena sapapaosna ngait ka masjid,”

Hadirin sadayana, paingan atuh ngalangkahkeun dua sampean ka masjid teh kalintang beuratna, margi buruhanna oge kalintang istimewana, nyaeta matak ngondang rohmat sareng pitulung Alloh di akherat. Tangtos setan oge bakal satekah polah kanggo ngahalangannana. Dijelaskan dina hadits sanes, ngalangkahkan sampean ka masjid teh bakal dicatet kasaean satiap lengkahna oge bakal dihapus hiji kaawonan.

 

إِذَا ‌تَوَضَّأَ ‌الرَّجُلُ ‌فَأَحْسَنَ ‌الْوُضُوءَ ثُمَّ خَرَجَ إِلَى الصَّلَاةِ، لَا يُخْرِجُهُ إِلَّا إِيَّاهَا، لَمْ يَخْطُ خُطْوَةً إِلَّا رَفَعَهُ اللهُ عز وجل بِهَا دَرَجَةً، أَوْ حَطَّ عَنْهُ بِهَا خَطِيئَةً

 

Hartosna, “Nalika hiji jalma wudhu tur ngahade-hade wudhuna teras kaluar shalat, teu aya anu ngaluarkeun dirina kecuali kanggo sholat, maka teu pati-pati ngalengkah anging Alloh ngangkat hiji derajat ku sabab eta lengkah atawa ngahapus hiji kasalahan,” (HR. Abu Dawud).

 

Hadirin sidang Jumah rohimakumulloh   

Salajengna golongan anu bakal kenging iyuh-iyuh Alloh teh nyaeta:

 

رَجُلَانِ تَحَابَّا فِي اللهِ اِجْتَمَعَا عَلَيْهِ وَتَفَرَّقَا عَلَيْهِ 

 

Hartosna, “Dua jalmi anu silih pikanyaah, reureujeungan, sareng pipisahan karena Alloh.”

 

Memang kitu sakedahna dua jalmi muslim silih pikanyaah, silih sarengan,  sareng silih tulungan. Sadayana dilakukeun keur ngahontal rido Alloh.

 

Nanging tangtos hal ieu teh teu gampi, margi kabiasaan urang silih pikanyaah sareng silih tulungan teh karena aya pangabutuh sareng kapentingan. Ku hal sakitu, butuh kasadaran anu saenya-enyana ti kawit ayeuna, yen jeung sasama muslim teh kedah saling mikanyaah sareng mikacinta anu didadasaran ku kaimanan sareng tujuan kenging rido Alloh. Sabab, jelas tur atra dina hadits, Kangjeng Rosul nguningakeun yen buah tina silih tulungan teh bakal kenging pitulung Alloh:

 

وَاللهُ فِي عَوْنِ الْعَبْدِ مَا كَانَ الْعَبْدُ ‌فِي ‌عَوْنِ ‌أَخِيهِ

 

Hartosna, “Alloh swt. bakal nulungan hamba-Na salami eta hamba nulungan dulurna.” (HR. Abu Dawud).

 

Hadirin sidang Jumah rohimakumulloh   

Kaopat, golongan anu bakal kenging pangiyuh-iyuh Allah dina poe kiamah teh nyaeta:

 

رَجُلٌ دَعَتْهُ امْرَأَةٌ ذَاتُ مَنْصِبٍ وَجَمَالٍ ، فَقَالَ : إِنِّيْ أَخَافُ اللهَ

 

Hartosna, “Pameget anu diajak serong ku hiji istri anu gaduh kadudukan sareng kageulisan, nanging eta pameget malah ngajawab: kaula sieun ku Alloh.”

 

Jelas godaan anu kacida beuratna keur hiji pameget nalika diajak serong ku hiji istri. Komo deui istrina gaduh kadudukan tur kagindingan. Nanging kumaha waleran eta si pameget? Pokna, “Kaula mah sieun ku Alloh. Teu pisan-pisan wantun midamel kitu. Sok sieun Alloh bendu, sahingga kuring cilaka.”

 

Batan milih ngayonkeun kahayang nafsu, leuwih hade nolak ajakan si awewe sabab banget sieun hatena ku Alloh. Anu balukarna matak cilaka jeung sangsara dunya sumawona akheratna.

 

Ku hal sakitu, teu heran upami Alloh maparin ganjaran sareng balesan anu luar biasa keur pameget anu model kitu, nyaeta mangrupa iyuh-iyuh di akherat nalika teu aya deui iyuh-iyuh anging iyuh-iyuh Mantenna.

 

Hadirin sidang Jumah rohimakumulloh   

Kagenep, golongan anu bakal kenging panangtayungan Alloh di akherat teh nyaeta:

    
رَجُلٌ تَصَدَّقَ بِصَدَقَةٍ فَأَخْفَاهَا حَتَّى لَا تَعْلَمَ شِمَالُهُ مَا تُنْفِقُ يَمِيْنُهُ

Hartosna, “Jalmi anu sodakoh teras nyumputkeun sodakohna sahingga ceuk paribasana, panangan kenca teu terangan kana perkara anu diinfakkeun ku pangan katuhuna,”

 

Hal ieu rupana kontras sareng zaman medsos anu terjadi dina waktos-waktos ayeuna. Ampir teu aya rahasia tur anu dibuni-buni, sadaya kedah jelas tur nemprak, malahan saolah dihaja diebrehkeun pados kauninga ku balarea.

 

Kanggo urang mah sing lebar kana amal urang nyalira sahingga teu kedah hariwang da amal sae jeung amal awon mah aya anu nyeratkeun. Teu kedah hoyong katangar sareng kauninga ku batur anu balukarna, amal urang teh teu aya bukurna di akherat. Balik mah sumputkeun satiap amal anu mungkin disumputkeun ku urang mah supados urang kenging pitulung Alloh jaga di akherat.

 

Hadirin sidang Jumah rohimakumulloh

Katujuh atanapi nu terakhir, golongan anu bakal kenging iyuh-iyuh di akherat teh nyaeta,

 

رَجُلٌ ذَكَرَ اللهَ خَالِيًا فَفَاضَتْ عَيْنَاه

 

Hartosna, “Jalmi anu dzikir eling ka Alloh dina kaayaan sepi sahingga cisona ngalembereh.”

 

Ieu nunjukkeun, eta jalmi teh dzikir, isin, tur sumerah ka Alloh, ngarumaoskeun kana dosa sareng kalepatan diri, sieun dosana henteu dihampura ku Alloh, sahingga janten cukeri sareng kanalangsaan di akherat.

 

Tah eta di antawisna golongan anu baris kenging pitulung sareng iyuh-iyuh Alloh di akherat. Mugia urang sadayana kalebet salah sawiosna. Kalintang saena upami urang kalebet sababaraha golongan eta. Amin ya robbal alamin.

 

 بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَلَّ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمِ

 

Khutbah II

اَلْحَمْدُ لِلّٰهِ الَّذِيْ أَمَرَنَا بِاْلاِتِّحَادِ وَاْلاِعْتِصَامِ بِحَبْلِ اللهِ الْمَتِيْنِ، أَشْهَدُ أَنْ لَا إِلٰهَ إِلَّا اللهُ وَحْدَهُ لاَشَرِيْكَ لَهُ، إِيَّاهُ نَعْبُدُ وَإِيَّاُه نَسْتَعِيْنُ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ، اَللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ، إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا، اَللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى اٰلِهِ وَصَحْبِهِ أَجْمَعِيْنَ

اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَ الْمُسْلِمَاتِ اَلاَحْيَاءِ مِنْهُمْ وَالْاَمْوَاتْ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ

 
اَللّٰهُمَّ اغْفِرْلَنَا وَلِوَالِدَيْنَا وَارْحَمْهُمَا كَمَا رَبَّيَانَا صِغَارًا، اَللّهُمَّ إِنَّا نَسْأَلُكَ إِيْمَانًا كَامِلاً وَيَقِيْنًا صَادِقًا وَرِزْقًا وَاسِعًا وَقَلْبًا خَاشِعًا وَلِسَانًا ذَاكِرًا وَحَلًالاً طَيِّبًا وَ تَوْبَةً نَصُوْحًا، اَللّهُمَّ إِنَّا نَسْأَلُكَ مُوْجِبَاتِ رَحْمَتِكَ وَعَزَائِمَ مَغْفِرَتِكَ وَالسَّلاَمَةَ مِنْ كُلِّ إِثْمٍ وَالْغَنِيْمَةَ مِنْ كُلِّ بِرٍّ وَالْفَوْزَ بِالْجَنَّةِ وَالنَّجَاةَ مِنَ النَّارِ، رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ

عِبَادَ اللهِ، إِنَّ اللهَ يَأْمُرُ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ، فَاذْكُرُوا اللهَ الْعَظِيْمَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ

 

M. Tatam Wijaya, Penyuluh dan Petugas KUA Sukanagara-Cianjur, Jawa Barat.