Khutbah Jumat Bahasa Sunda: Hate nu Beresih Jadi Konci Kasalametan Akherat 

Al-Quran telah menyebutkan bahwa ketika seluruh manusia dibangkitkan, harta dan keturunan seorang hamba tak lagi berguna. Tak ada yang layak dibawa dan ditunjukkan di hadapan Allah pada saat itu kecuali qalbun salim atau hati yang bersih. Dengan demikian, hati yang bersih menjadi kunci keselamatan akhirat.

 

Khutbah Jumat bahasa Sunda ini berjudul, “Khutbah Jumat Bahasa Sunda: Hate nu Beresih Jadi Konci Kasalametan Akherat.” Untuk mencetak silahkan klik fitur download berwarna merah di desktop pada bagian atas naskah khutbah ini. Semoga bermanfaat!

 

Khutbah I

 

اَلْحَمْدُ لِلّٰهِ الْمُنْعِمِ عَلَى مَنْ أَطَاعَهُ وَاتَّبَعَ رِضَاهُ، الْمُنْتَقِمِ مِمَّنْ خَالَفَهُ وَعَصَاهُ، أَشْهَدُ أَنْ لآ إِلٰهَ إِلَّا اللهُ وَحْدَهُ لاَشَرِيْكَ لَهُ شَهَادَةَ عَبْدٍ لَمْ يَخْشَ إِلَّا اللهَ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ الَّذِي اخْتَارَهُ اللهُ وَاصْطَفَاهُ. اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى اٰلِهِ وَصَحْبِهِ وَمَنْ وَالاَهُ

 

 أَيُّهَا النَّاسُ، اِتَّقُوا اللهَ، وَتَفَكَّرُوْا فِي نِعَمِ رَبِّكُمْ وَاشْكُرُوْهُ، وَاذْكُرُوا آلَاءَ اللهِ وَتَحَدَّثُوا بِفَضْلِهِ وَلَا تَكْفُرُوْهُ، قَالَ اللهُ تَعَالَى فِي الْقُرْآنِ الْعَظِيْمِ وَهُوَ أَصْدَقُ الْقَائِلِيْنَ، وَلَا تُخْزِنِي يَوْمَ يُبْعَثُونَ ، يَوْمَ لَا يَنْفَعُ مَالٌ وَلَا بَنُونَ ، إِلَّا مَنْ أَتَى اللَّهَ بِقَلْبٍ سَلِيمٍ

 

Hadirin rohimakumulloh

Puji sinareng syukur hayu urang sami-sami panjatkeun ka Alloh Robbun Gofur. Sholawat sareng salam anu utami mugia tetep ka Kangjeng Nabi Muhammad saw. anu diutus janten rohmat ka sadaya alam, miwah ka kulawargina, para sahabatna, para tabiin sareng tabiatna, dugika urang sadayana anu sapapaosna miharep syafaat di yaomil jaza.

 

Teu hilap, ngalangkungan mimbar anu mulya ieu, khotib ngahaturkeun kagegelan wasiat takwa, khusus ka diri khotib pribadi, umum ka sadayana ahli Jumah. Malah mandar sapaosna urang tiasa napak dina jalan kahadean keur ngahontal kasalametan, dunya rawuh akherat. Amin ya robbal alamin.

 

Hadirin rohimakumulloh

Sapalihna konci kasalametan sareng karaharjaan urang sadayana di akherat teh nyaeta nyandak hate anu beresih atanapi hate anu salamet, sakumaha dawuhan Alloh dina Al-Quran:

   
وَلَا تُخْزِنِي يَوْمَ يُبْعَثُونَ ، يَوْمَ لَا يَنْفَعُ مَالٌ وَلَا بَنُونَ ، إِلَّا مَنْ أَتَى اللَّهَ بِقَلْبٍ سَلِيمٍ

 

Hartosna, “Ulah rek ngahinakeun Anjeun ka abdi dina poe sadaya manusa dibangkitkeun, nyaeta dina poe harta jeung barudak teu aya gunana, kacuali jalma-jalma anu mayun ka Alloh kalayan nyandak hate anu beresih,” (QS. Asy-Syu’ara [42]: 87-89).

 

Ayat anu neme teh mangrupikeun du’a Nabi Ibrohim, malahmandar dina poe kiamat mantenna henteu terhina miwah aya dina kasalametan. Dina leresan ieu, Syekh Wahbah az-Zuhaili dina kitabna Tafsir al-Munir, Juz 19, kaca 174, nguningakeun makna “qolbun salim”.

 

اَلْمُرَادُ بِالْقَلْبِ السَّلِيْمِ: هُوَ الْقَلْبُ الْخَالِي مِنَ الْعَقَائِدِ الْفَاسِدَةِ وَالأَخْلَاقِ الْمَرْذُوْلَةِ وَالْمَيْلِ إِلَى الْمَعَاصِي، وَعَلَى رَأْسِهَا الْكُفْرُ وَالشِّرْكُ وَالنِّفَاقُ

 

Hartosna, “Anu dimaksad ‘qalbun salim’ teh nyaeta hate anu beresih tina akidah anu ruksak, akhlak anu dicela, sareng kacondongan kana maksiat, anu utamana mah nyaeta kakufuran, kasyirikan sareng sifat kamunafekan.”

 

Hadirin rohimakumulloh

Ayat anu di luhur teh ngemutan ka urang sadayana, yen salian ti ngajagi amalan wajib sareng sunah, urang gaduh amalan anu teu kirang pentingna, nyaeta ngajagi kabersihan hate tina kakufuran, kasyirikan, sareng kamunafikan. Margi jelas kanggo urang, kabersihan hate jadi konci keur ngahontal kasalemetan dunya utamina akherat.

 

Kantenan, Imam Al-Ghazali parantos nguningakeun, yen hate eta teh eta pamingpin kanggo anggota badan sanesna. Janten, sae henteuna tingkah urang, kumaha kaayaan hate. Lamun hate urang sae, maka Insyaalloh padamelan urang bakal sae. Sabalikna, lamun hate urang kotor maka padamelan urang oge bakal awon, sakumaha anu tos diuningakeun ku Kangjeng Rosul:

 

أَلاَ وَإِنَّ فِي الجَسَدِ مُضْغَةً: إِذَا صَلَحَتْ صَلَحَ الجَسَدُ كُلُّهُ، وَإِذَا فَسَدَتْ فَسَدَ الجَسَدُ كُلُّهُ، أَلاَ وَهِيَ القَلْبُ

 

Hartosna, “Sing emut, yen dina jasad teh aya sagumpal daging. Lamun daging eta sae, maka sae oge sadayana jasad. Tapi lamun daging eta ruksak, maka ruksak oge sadayana jasad. Daging eta teh nyaeta hate,” (HR al-Bukhari).

 

Kalih ti eta, Alloh teu mandang rupa, wajah, sareng warna kulit urang. Nanging anu dipandang ku Mantenna teh nyaeta hate, sakumaha pidawuh Kangjeng Rosul saw. dina haditsna:

 

 إِنَّ اللَّهَ تَعَالَى لَا يَنْظُرُ إِلَى صُوَرِكُمْ، وَلَا إِلَى أَمْوَالِكُمْ، وَلَكِنْ يَنْظُرُ إِلَى قُلُوبِكُمْ وَأَعْمَالِكُمْ

 

Hartosna, “Saenya-enyana Alloh teu mandang rupa sareng harta aranjeun, tapi mandang hate sareng amalan aranjeun,” (HR. Al-Thabrani).   

 

Hadirin rohimakumulloh

Ku hal sakitu, kalintang pentingna kanggo urang meresihan hate. Margi hate mangrupikeun bagean pang pentingna dina awak urang. Disebat pang pentingna, sabab hate anu nangtukeun hade jeung gorengna amal anggota badan urang sanesna, sakaligus anu nangtukeun aya nilaian sareng henteuna amal urang.

 

Contona, nalika urang midamel hiji amal kasaean. Tah eta amal teh tiasa wae jadi henteu aya nilaina di payuneun Alloh kusabab niatna awon atanapi henteu ikhlas karena Alloh, alias dina hate urangna masih aya rasa riya, hoyong katangar, hoyong kapuji tur kadangu ku batur, dibarengan ku ujub takabur, sareng sajabina. Nu akhirna amal urang teh janten sia-sia teu aya ganjarannana di payuneun Alloh. Sakali deui, eta akibat hate anu anu hente beresih.

 

Kauntungannana, nalika hate urang tos beresih, bakal kaluar tingkah sareng akhlak anu sae, sopan, ramah sareng jauh tina hal-hal anu nganyerikeun sareng ngarendahkeun batur. Tina hate anu beresih, teu aya deui sifat iri dengki, sareng ngewa ka papada jalma. Hate anu bersih oge bakal masihan pangaruh kana lisan. Sabab jelas lisan teh mangrupikeun eunteung tina hate. Biasana, lamun hatena kotor mah, dihade-hade oge bakal kaluar ucapan sareng tingkah atanapi roman raray anu anu goreng.  Walhasil, hate anu beresih bakal nimbulkeun akhlak sareng adab anu sae. Sareng deui, hate anu bersih teh konci keur urang ngahontal kasalametan di akherat jaga.

 

Ku hal sakitu, nalika hate urang kotor teh, urang kedah isin sareng geuwat diberesihan. Margi Alloh Maha Uninga kana kaayaan sareng gerentes hate urang. Ti kawit ayeuna, hayu urang sami-sami mersihan hate urang terutami tina kasyirikan, kakufuran, sareng kamunafikan. Kalih ti eta urang kedah mersihan hate tina rupi-rupi panyawatnya, ti kawit riya, sum’ah, ujub, takabur, sombong, hasud, dengki, mangmang sareng goreng sangka ka pangeran, sareng sajabina.

 

Hadirin rohimakumulloh

Nanging sagigireun ti eta, urang oge kedah uninga, hate teh anggota diri urang anu nyumput, alias teu katinggal, teras bagean diri urang pang gampangna kapangaruhan, gampang robah, sahingga hese diubaran. Ku sabab eta, dina nalika urang memeresna, seueurkeun munajat ka Alloh supados dipaparin kamudahan. Di antawisna ngaalngkungan du’a:

 

يَا مُقَلِّبَ الْقُلُوبِ ثَبِّتْ قَلْبِي عَلَى دِينِكَ

 

Hartosna, “He Dzat anu mulak-malikkeun hate, pancegkeun hate abdi dina agama Anjeun.”

 

Saatosna hate urang panceg dina agama Alloh, seueurkeun ngaos du’a ieu:

 

رَبَّنَا لاَ تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً إِنَّكَ أَنتَ الْوَهَّابُ

 

Hartosna, “He Pangeran abdi sadaya, ulah rek ngajadikeun hate abdi condong kana kasesatan saparantos Anjeun masihan pituduh ka abdi sadaya, sareng paparinkeun ka abdi rohmat nu aya di sagigireun Anjeun. Saenya-enya Anjeun Dzat anu Maha Maparin karunia," (QS. Âli 'Imrân [3]: 8).

 

Mugia wae urang dipaparin hate anu beresih ku Alloh, sahingga janten modal urang kanggo ngahontal kasalametan miwah karaharjaan di dunya rawuh akherat. Amin ya robbal alamin.

 

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَلَّ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمَ

 

Khutbah II

 

اَلْحَمْدُ لِلّٰهِ الَّذِيْ أَمَرَنَا بِاْلاِتِّحَادِ وَاْلاِعْتِصَامِ بِحَبْلِ اللهِ الْمَتِيْنِ. أَشْهَدُ أَنْ لَا إِلٰهَ إِلَّا اللهُ وَحْدَهُ لاَشَرِيْكَ لَهُ، إِيَّاهُ نَعْبُدُ وَإِيَّاُه نَسْتَعِيْنُ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ. اَللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ. اِتَّقُوا اللهَ مَا اسْتَطَعْتُمْ وَسَارِعُوْا إِلَى مَغْفِرَةِ رَبِّ الْعَالَمِيْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا، اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى اٰلِهِ وَصَحْبِهِ أَجْمَعِيْنَ

 

اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَ الْمُسْلِمَاتِ اَلاَحْيَاءِ مِنْهُمْ وَالْاَمْوَاتْ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ بِرَحْمَتِكَ يَا اَرْحَمَ الرَّحِمِيْنَ ، اَللَّهُمَّ يَا مُيَسِّرَ كُلِّ عَسِيْرٍ ، وَيَا جَابِرَ كُلِّ كَسِيْرٍ ، وَيَا صَاحِبَ كُلِّ فَرِيْدٍ ، وَيَا مُغْنِيَ كُلِّ فَقِيْرٍ ، وَيَا مُقَوِّيَ كُلِّ ضَعِيْفٍ ، وَيَا مَأْمَنَ كُلِّ مَخِيْفٍ ، يَسِّرْ عَلَيْنَا كُلَّ عَسِيْرٍ ، فَتَيْسِيْرُ الْعَسِيْرِ عَلَيْكَ يَسِيْرُ ، حَاجَاتُنَا إِلَيْكَ كَثِيْرٌ، يَا مَنْ لَا يَحْتَاجُ إِلَّا الْبَيَانِ وَالتَّفْسِيْرِ،  أَنْتَ عَالِمٌ بِهَا وَبَصِيْرٌ، رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ

 

عِبَادَ اللهِ، إِنَّ اللهَ يَأْمُرُكُمْ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوا اللهَ الْعَظِيْمَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ

 

M. Tatam Wijaya, Penyuluh dan Petugas KUA Sukanagara-Cianjur, Jawa Barat.