Khutbah Jumat Bahasa Sunda: Ngaraksa Sholat sareng Puasa dina Sasih Romadhon

Umat Islam diperintah tak hanya sekadar menunaikan shalat, tetapi juga memeliharanya dengan baik dan optimal, baik dari aspek waktu, tempat, maupun caranya. Demikian halnya ibadah puasa yang penting untuk memeliharanya di bulan Ramadhan karena memiliki banyak keutamaan.

 

Maka khutbah Jumat bahasa Sunda ini berjudul, “Khutbah Jumat Bahasa Sunda: Ngaraksa Sholat sareng Puasa dina Sasih Romadhon”. Untuk mencetak khutbah ini, silakan klik fitur download berwarna merah di atas atau bawah artikel ini (pada tampilan desktop). Semoga bermanfaat!

 

Khutbah I

 

اَلْحَمْدُ للهِ الّذِي أَنْعَمَ عَلَيْنَا وَهَدَانَا إِلَى دِيْنِ الْإِسْلَامِ، اَللَّهُمَّ صَلِّ وَسَلِّمْ عَلَى سَيِّدِنَا وَمَوْلَانَا مُحَمَّدِنِ النَّبِيِّ الْأُمِّيِ الَّذِيْ دَعَانَا إِلَى دِيْنِ الْمَلِكِ الْعَلَّامِ ، وَعَلَى آلِهِ وَأَصْحَابِهِ صَلَاةً وَسَلَامًا دَائِمَيْنِ مُتَلَازِمَيْنِ عَلى مَمَرِّ الدُّهُوْرِ وَالْأَيَّامِ

 

أَشْهَدُ أَنْ لَا إِلَهَ إِلَّا اللهُ وَحْدَهُ لَا شَرِيْكَ لَهُ شَهَادَةً تُنْجِي قَائِلَهَا مِنْ أَهْوَالِ يَوْمِ الزِّحَامِ، وَأَشْهَدُ أَنَّ مُحَمّدًا عَبْدُهُ وَرَسُوْلُهُ سَيِّدُ الْأَنَامِ، قَالَ اللهُ تَعَالَى فِي الْقُرْآنِ الْكَرِيْمِ، حَافِظُوْا عَلَى الصَّلَوٰتِ وَالصَّلٰوةِ الْوُسْطٰى وَقُوْمُوْا لِلّٰهِ قٰنِتِيْنَ، صَدَقَ اللهُ الْعَظِيْمُ

 

أَمَّا بَعْدُ، فَيَا أَيُّهَا الْحَاضِرُوْنَ، أُوْصِيُكُمْ وَإِيَّايَ بِتَقْوَى اللهِ فَقَدْ فَازَ الْمُتَّقُوْنَ وَأَحُثُّكُمْ وَإِيَّايَ عَلَى طَاعَةِ اللهِ وَعَلَى طَاعَةِ رَسُوْلِهِ فِي كُلِّ وَقْتٍ لَعَلَّكُمْ تُقْلِحُوْنَ

 

Sidang Jumah rohimakumulloh 

Puji sinareng syukur hayu urang sami-sami panjatkeun ka Alloh swt. Sholawat kalih salam mugia sing salamina dikucurkeun ka insan paling mulya nyaeta Kangjeng Nabi Muhammad saw. sinareng kulawargi, para sahabat, para tabiin oge tabiatna, dugika urang sadayana salaku umatna.

 

Sateuacan ngadugikeun khutbah, khotib seja ngadugikeun kagegelan wasiat, khusus kangi diri pribadi, umum kanggo jamaah Jumah sadayana, sumangga urang sami-sami ningkatkeun kaimanan sareng katakwaan ka Allah Ta’ala, margi ku dua hal eta urang bakal tiasa nyaketkeun diri ka Mantenna sareng ningkatkeun katoatan.

 

Sidang Jumah rohimakumulloh

Sakumaha nu tos kauninga, yen parentah ngaraksa sholat fardhu lima waktu teh tos diuningakeun dina ayat Al-Quran:

 

أَعُوْذُ بِاللهِ مِنَ الشَّيْطَانِ الرَّجِيْمِ، حَافِظُوْا عَلَى الصَّلَوٰتِ وَالصَّلٰوةِ الْوُسْطٰى وَقُوْمُوْا لِلّٰهِ قٰنِتِيْنَ

 

Hartosna, “Prak raksa ku anjeun sadaya sholat (fardhu) sareng sholat wusṭha. Adegkeun karana Alloh (dina sholat) kalayan khusyu’,” (QS. Al-Baqarah [2]: 238).

 

Ngalangkungan eta ayat, urang parantos ngama’lum naon anu dimaksad ku sholat fardhu, nyaeta sholat anu lima waktu. Salajengna, naon anu dimaksad ku sholat Wustha?

 

Numutkeun, Imam Abul Hasan Muqatil bin Sulaiman, anu dimaksud ku sholat Wustha di dinya teh nyaeta sholat Ashar. Sementawis numutkeun Imam Asy-Syafi’i dina Tafsir Imam Asy-Syafi’i, Jilid 1, kaca 409, maksad tina sholat Wustha di dinya teh nyaeta sholat Subuh.

 

Aya oge kaol anu nyebatkeun yen sholat Wustha teh nyaeta salah sawios sholat anu lima waktu, nanging dirahasiakeun nami sareng waktosna. Hikmahna supaya urang giat dina ngaraksa oge midamel sadaya sholat lima waktu, kalayan miharep urang tiasa ngahontal keutamaan tur kaistimewaan eta sholat. Kitu numutkeun Syekh Nawawi dina kitab Nashaihul Ibad, kaca 44.

 

Sidang Jumah rohimakumulloh 

Patali sareng ngaraksa sholat ieu, rupina kaol Syekh Nawawi kelebet anu pang sapukna sareng kaayaan urang margi ku cara ngajagi sadaya sholat, insya Allah urang bakal ngengingkeun kautamaan sholat wustha tadi.

 

Di sagedengeun ti eta, sacara teknis ngaraksa sholat tiasa ditingal tina segi waktu, tempat, sareng carana. Patali sareng masalah waktu, ngajagi waktu shalat oge kalebet hal anu utama. Aya sababaraha riwayat anu nyebat langsung perkawis waktu sholat, di antarana hadits riwayat Al-Baihaqi:

 

أَوَّلُ ‌الْوَقْتِ ‌رِضْوَانُ ‌اللهِ

 

Hartosna, “Awal waktu teh eta karidhoan Alloh.”

 

Sementawis hadits sanes nyebatkeun nalika Kangjeng Rosul saw. ditaros, “Amal naon anu paling utamina?” Mantenna ngawaler:

 

الصَّلَاةُ فِي أَوَّلِ وَقْتِهَا

 

Hartosna, “Nyaeta sholat di awal waktuna,” (HR. Al-Baihaqi).

 

Walhasil, di antawis cara ngaraksa shalat teh nyaeta ngaraksa waktuna, diutamakeun dina awal waktu nalika teu aya udzur anu nyegah dilakonananana sholat di tengah atanapi di akhir waktu.

 

Sidang Jumah rohimakumulloh 

Cara ngaraksa sholat anu kadua nyaeta ngaraksa tina segi tempatna. Sakumaha kauninga, tempat anu paling utama kanggo sholat nyaeta masjid. Sumangga urang perhatoskeun hadits ieu.

 

أَنَّ أَحَدَكُمْ ‌إِذَا ‌تَوَضَّأَ فَأَحْسَنَ الْوُضُوءَ، ثُمَّ ‌أَتَى ‌الْمَسْجِدَ، لَا يُرِيدُ إِلَّا الصَّلَاةَ، ولَا يَنْهَزُهُ إِلَّا الصَّلَاةُ، لَمْ يَخْطُ خَطْوَةً إِلَّا رُفِعَ لَهُ بِهَا دَرَجَةٌ، وَحُطَّ بِهَا عَنْهُ خَطِيئَةٌ، حَتَّى يَدْخُلَ الْمَسْجِدَ

 

Hartosna, “Saenya-enya lamun salah saurang di antara aranjeun wudhu teras ngahadekeun wudhuna teras sumping ka masjid, teu aya anu dipiharep anging sholat, teu aya anu ngadorong salian ti sholat, maka teu pati-pati anjeunna ngalengkah hiji lengkah anging bakal diangkat hiji darajat, oge dihapus hiji kasalahan, dugika anjeuna lebet ka masjid,”  (HR. Ahmad).

 

Malahan, lajengan eta hadits nyebatkeun, salami urang aya di masjid oge midamel sholat, sarta teu ingkah tina tempat sholat, teu batal sareng teu nyarios anu sanes, maka para malaikat bakal ngadoa kieu:

 

اَللَّهُمَّ اغْفِرْ لَهُ، اَللَّهُمَّ ارْحَمْهُ، اَللَّهُمَّ تُبْ عَلَيْهِ

 

Hartosna, “Ya Alloh, hampura eta jalma, pasihan rohmat eta jalma, oge tampi tobat eta jalma!”

 

Luyu sareng katerangan hadits di luhur, jalmi anu sapapaosna sholat di masjid oge ngama’murkeun masjid mah digolongkeun ku Allah salaku jalma anu iman sareng toat ka Mantenna, sakumaha dina Al-Quran:

 

اِنَّمَا يَعْمُرُ مَسٰجِدَ اللّٰهِ مَنْ اٰمَنَ بِاللّٰهِ وَالْيَوْمِ الْاٰخِرِ وَاَقَامَ الصَّلٰوةَ وَاٰتَى الزَّكٰوةَ وَلَمْ يَخْشَ اِلَّا اللّٰهَۗ

 

Hartosna, “Saenya-enyana anu (pantes) ngama’murkeun masjid-masjid Alloh teh ukur jalmi anu iman ka Alloh sareng poe hari Akhir, ngadegkeun sholat, ngaluarkeun zakat, sarta teu sieun (ka sasaha) anging ka Alloh,” (QS. At-Taubah [9]: 18).

 

Sidang Jumah rohimakumulloh 

Terakhir, urang ngaraksa sholat teh tina segi cara ngalakonanana, nyaeta berjamaah aranapi sasarengan. Sholat berjamaah teh memang tiasa wae dilaksanakeun di bumi, nanging kalintang utamana upami dipidamel di masjid kalayan berjamaah. Cukup masyhur hadits anu nguningakeun kautamaannana, di antawisna hadits ieu:

 

‌صَلَاةُ ‌الْجَمَاعَةِ تَفْضُلُ صَلَاةَ الْفَذِّ بِسَبْعٍ وَعِشْرِينَ دَرَجَةً

 

Hartosna, “Sholat berjamaah ngungkulan sholat nyorangan kalayan 27 darajat,” (HR. Malik).

 

Upami nitetan eta hadits, kalintang istimewana sholat berjamaah, kantenan dipidamelna di masjid. Ganjaranna dugika 27 kali lipat dibaning sholat nyorangan. Urang sing kabita ku fadilah sholat berjamaah sanesna, anu pahalana nandingan kana ibadah haji tur dibebaskeun tina siksa seueneu naraka, sakumaha hadits:

 

مَنْ ‌مَشَى إِلَى صَلَاةٍ ‌مَكْتُوبَةٍ وَهُوَ مُتَطَهِّرٌ، كَانَ لَهُ كَأَجْرِ الْحَاجِّ الْمُحْرِمِ

 

Hartosna, “Sing saha jalma anu angkat sholat fardhu dina kaayaan suci, maka keur manehna ibarat pahala jalma anu munggah haji anu nuju ihram,” (HR. Abu Dawud).

 

مَنْ لَمْ تَفُتْهُ الرَّكْعَةُ الْأُولَى مِنَ الصلَاةِ ‌أَرْبَعِينَ ‌يَوْمًا، كُتِبَ لَهُ بَرَاءَتَانِ: بَرَاءَةٌ مِنَ النَّارِ، وَبَرَاءَةٌ مِنَ النِّفَاقِ

 

Hartosna, “Sing saha jalma anu teu katinggalan rokaat kahiji sholat (berjamaah), maka dituliskeun keur manehna dua kabebasan: kahiji kabebasan tina siksa naraka, kadua kabebasan tina sifat munafik,” (HR. Abdur Razzaq).

 

Kantenan sakedap deui urang bakal lebet kana sasih Romadhon. Kalintang bagjana pami tiasa ngaraksa sholat, anu fardhu oge anu sunahna, salebet ning urang nyumponan kawajiban puasa Ramadhan dina siangna, oge qiyamulail dina wengina, kalayan sadayana didadasaran ku kaimanan tur kaikhlasan. Mugia wae urang sadayana sing kalebetkeun kana sakumaha hadits:

 

مَنْ ‌صَامَ شَهْرَ ‌رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ

 

Hartosna, “Sing saha jalma anu puasa Romadhon kalayan didasaran ku kaimanan sareng kaikhlasan, maka keur eta jalma dihampura dosana, anu atos kalangkungna oge anu teu acanna,” (HR. Al-Bukhari).

 

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَّلَ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمُ

 

Khutbah II

 

اَلْحَمْدُ لِلَّهِ الَّذِيْ أَمَرَنَا بِاْلاِتِّحَادِ وَاْلاِعْتِصَامِ بِحَبْلِ اللهِ الْمَتِيْنِ. أَشْهَدُ أَنْ لَا إِلَهَ إِلَّا اللهُ وَحْدَهُ لاَشَرِيْكَ لَهُ، إِيَّاهُ نَعْبُدُ وَإِيَّاهُ نَسْتَعِيْنُ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ اَمَنُوْا صَلُّوْا عَلَيْهِ وَسَلِّمُوْا تَسْلِيْمًا، اَللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى اٰلِهِ وَصَحْبِهِ أَجْمَعِيْنَ

 

اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَ الْمُسْلِمَاتِ اَلاَحْيَاءِ مِنْهُمْ وَالْاَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ، اَللّهُمَّ إِنَّا نَسْأَلُكَ إِيْمَانًا كَامِلًا وَيَقِيْنًا صَادِقًا وَرِزْقًا وَاسِعًا وَقَلْبًا خَاشِعًا وَلِسَانًا ذَاكِرًا وَحَلَالًا طَيِّبًا وَ تَوْبَةً نَصُوْحًا. رَبِّ ‌اجْعَلْنِي مُقِيمَ الصَّلاةِ وَمِنْ ذُرِّيَّتِي رَبَّنا وَتَقَبَّلْ دُعاءِ،  رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ

 

عِبَادَ اللهِ، إِنَّ اللهَ يَأْمُرُ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوا اللهَ الْعَظِيْمَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ

 

M. Tatam Wijaya, Penyuluh dan Petugas KUA Sukanagara-Cianjur, Jawa Barat.