Khutbah Jumat Bahasa Sunda: Ngahontal Kasalametan Akherat ku Ninggalkan 6 Perkara 

Setiap umat Islam pasti mengharapkan keselamatan dan kebahagiaan akhirat. Namun, harapan itu harus disertai langkah konkret sesuai dengan tuntunan Allah dan rasul-Nya. Di antaranya ada beberapa hal yang wajib kita ditinggalkan di dunia jika kita benar-benar menginginkan kebahagiaan dan keselamatan di akhirat.

 

Maka khutbah Jumat bahasa Sunda ini berjudul, “Khutbah Jumat Bahasa Sunda:  Ngahontal Kasalametan Akherat ku Ninggalkan 6 Perkara”. Untuk mencetak khutbah ini, silakan klik fitur download berwarna merah di atas atau bawah artikel ini (pada tampilan desktop). Semoga bermanfaat!

 

Khutbah I

 

اَلْحَمْدُ للهِ الَّذِي أَنْعَمَ عَلَيْنَا وَهَدَانَا إِلَى دِيْنِ الْإِسْلَامِ، اَللَّهُمَّ صَلِّ وَسَلِّمْ عَلَى سَيِّدِنَا وَمَوْلَانَا مُحَمَّدٍ النَّبِيِّ الْأُمِّيِّ الَّذِيْ دَعَانَا إِلَى دِيْنِ الْمَلِكِ الْعَلَّامِ  وَعَلَى آلِهِ وَأَصْحَابِهِ صَلَاةً وَسَلَامًا دَائِمَيْنِ مُتَلَازِمَيْنِ عَلَى مَمَرِّ الدُّهُوْرِ وَالْأَيَّام

 

أَشْهَدُ أَنْ لَا إِلَهَ إِلَّا اللهُ وَحْدَهُ لَا شَرِيْكَ لَهُ شَهَادَةً تُنْجِي قَائِلَهَا مِنْ أَهْوَالِ يَوْمِ الزِّحَامِ، وَأَشْهَدُ أَنَّ مُحَمّدًا عَبْدُهُ وَرَسُوْلُهُ سَيِّدُ الْأَنَامِ، وَإِذَا قُرِئَ الْقُرْآنُ فَاسْتَمِعُوا لَهُ وَأَنْصِتُوا لَعَلَّكُمْ تُرْحَمُوْنَ، أَعُوْذُ بِاللهِ مِنَ الشَّيْطَانِ الرَّجِيْمِ، فَمَنْ كَانَ يَرْجُو لِقَاءَ رَبِّهِ ‌فَلْيَعْمَلْ عَمَلًا صَالِحًا وَلَا يُشْرِكْ بِعِبَادَةِ رَبِّهِ أَحَدًا، صَدَقَ اللهُ الْعَظِيْمُ

 

أَمَّا بَعْدُ ، فَيَا أَيُّهَا الْحَاضِرُوْنَ، أُوْصِيْكُمْ عِبَادَ اللهِ وَإِيَّايَ بِتَقْوَى اللهِ فَقَدْ فَازَ الْمُتَّقُوْنَ وَأَحُثُّكُمْ وَإِيَّايَ عَلَى طَاعَةِ اللهِ وَعَلَى طَاعَةِ رَسُوْلِهِ فِي كُلِّ وَقْتٍ لَعَلَّكُمْ تُقْلِحُوْنَ

 

Sidang Jumat rahimakumullah,

Puji sareng syukur hayu urang sami-sami panjatkeun ka Alloh swt. Dzat anu maha welas asih tur ngucurkeun ni’mat-Na ka urang sadayana. Sholawat miwah salam mugia sing salamina dicurahkeun ka nabi urang nyaeta Kangjeng Nabi Muhammad saw. sareng kuluawargina, para sahabatna, tabiin oge tabiatna, dugika urang sadaya salaku umatna.

 

Sateuacan ngalajengkeun khutbah, ngalangkungan mimbar anu mulya ieu, khotib ngadugikeun kagegelan wasiat,  sumangga urang sami-sami ningkatkeun kaimanan sareng katakwaan ka Alloh ta’ala. Margi teu aya deui bekel anu pang utamina kanggo urang nyorang kahirupan dunya akherat anging takwa ka Alloh swt.

 

Sidang Jumat rahimakumullah,

Ngutip cariosan Imam Wahb bin Munabbih, Syekh Imam Nawawi dina kitab Nashaihul Ibad, kaca ka-77, nguningakeun, aya genep perkara anu kedah dikantunkeun ku urang sadayana saupamina urang leres-leres hoyong kaselamatan tur karaharjaan akherat.

 

Kahiji, tinggalkeun sifat gede ambek, maka di akherat urang bakal natangga sareng Alloh. Hartosna, lamun pinter nahan amarah, urang bakal caket sareng sosobatan sareng Alloh. Patali sareng ieu, Kangjeng Rosul saw. tos ti anggalna ngemutan ka urang sadayana:

 

 لَيْسَ الشَّدِيْدُ بِالصُّرَعَةِ ، إِنَّمَا الشَّدِيْدُ الَّذِي يَمْلِكُ نَفْسَهُ عِنْدَ الْغَضَبِ

 

Hartosna, “Jalmi anu kuat teh sanes anu kuat gelutna, tapi jalmi anu kuat ngadalikeun nafsuna nalika ambek,” (HR. Al-Bukhari).

 

Numutkeun hadits ieu, ternyata jalmi anu hebat tur kuat teh sanes anu kuat haok tur polototna, tapi anu mampu ngeker kana hawa nafsuna. Kacida endahna balesan Alloh keur jalmi anu mampu nahan emosi sareng kaambekna, sakumaha hadits.

 

مَنْ كَفَّ غَضَبَهُ كَفَّ اللَّهُ عَنْهُ عَذَابَهُ

 

Hartosna, “Sing saha jalma anu mampu nahan kaambekna, maka Alloh bakal nahan azab-Na ka eta jalma,” (HR. Ath-Thabrani).

 

Sidang Jumat rahimakumullah,

Kadua, tinggalkeun tipu daya dunya sareng perkara haram, maka urang bakal aman jeung salamet dina poe Kiamah. Sanes hartos urang kedah nolak kana dunya, sabab tampa dunya urang moal tiasa nangtungan dunya sarta moal tiasa dugi ka akherat. Tapi, ulah rek ngajadikan dunya keur tujuan hirup. Justru jadikeun eta dunya keur jamatan ngahontal kamulyaan akherat.

 

Sing inget, yen kahirupan akherat teh leuwih hade sareng leuwih langgeng tibatan kahirupan dunya, sakumaha dawuhan Alloh:

 

وَالْآخِرَةُ ‌خَيْرٌ وَأَبْقى

 

Hartosna, “Jeung ari akherat teh eta leuwih alus jeung leuwih langgeng,” (QS. Al-A’la [87]: 17).

 

Kunaon urang teu meunang ngajadikeun dunya keur tujuan? Sabab, sikap kitu ukur ngadeukeutkeun urang kana sifat-sifat anu goreng, saperti rampus, toma, jeung wani nyokot perkara syubhat, makruh, malahan haram.

 

Sementawis lamun urang tos wantun nyandak perkara haram, maka dampakna bakal seueur ti kitu, sapertos jauh tina dikabulna du’a, beurat ngalaksanakeun ibadah, dugika kenging siksa di akherat. Sing emut pesen Kangjeng Rosul saw.

 

كُلُّ لَحْمٍ ‌نَبَتَ مِنْ حَرَامٍ فَالنَّارُ أَوْلَى بِهِ

 

Hartosna, “Satiap daging anu jadi tina perkara haram maka naraka leuwih utama keur ngalentagna,” (HR. At-Tirmidzi).

 

Sidang Jumat rahimakumullah,

Katilu, tinggalkeun sifat sombong, maka di akherat urang bakal mulya di payuneun Alloh ta’ala. Saenya-enyana Alloh teu mikaresep jalma-jalma anu sombong sabab kasombongan teh anggoan Alloh. Makana pantes lamun jalma anu ngagaduhan sifat ieu, di akherat bakal pendak sareng Alloh dina kaayaan murka ka anjeuna. Kitu pisan numutkeun dawuhan Kangjeng Rosul saw.

 

مَا ‌مِنْ ‌رَجُلٍ ‌يَتَعَاظَمُ فِي نَفْسِهِ وَيَخْتَالُ فِي مِشْيَتِهِ إِلَّا لَقِيَ اللَّهَ وَهُوَ عَلَيْهِ غَضْبَانُ

 

Hartosna, “Teu pati-pati aya hiji jalmi anu nyombongkeun diri dina hatena jeung gaya angkuh dina leumpangna, kecuali bakal pependak sareng Alloh dina kaayaan bendu ka anjeunna,” (HR. Ahmad).

 

Pantes dina hadits sanes diuningakeun, moal lebet surga jalmi anu dina jero hatena masih keneh aya kasombongan sanajan sagede siki sasawi. Teras naon atuh anu bade disombongkeun ku urang? Sabab sadayana oge ukur titipan Pangeran anu hiji waktos mah bakal dicandak oge disuhunkeun tangel walerna.

 

Sidang Jumat rahimakumullah,

Kaopat, tinggalkeun  tingkah kaleuleuwihan sareng anu teu aya maknana, maka urang bakal dikumpulkeun sareng jalma-jalma anu hade. Sikap kaleuleuwihan ieu nyangkut dina sagala hal, imma dina cariosan, padamelan, katuangan, kulem, malihan dina ibadah. Sahingga Alloh nyalira parantos nguningakeun dina Al-Quran:

 

وَّكُلُوْا وَاشْرَبُوْا وَلَا تُسْرِفُوْاۚ اِنَّهُ لَا يُحِبُّ الْمُسْرِفِيْنَࣖ

 

Hartosna, “Taruang sareng laleueut ku aranjeun, tapi ulah rek kaleuleuwihan. Saenya-enyana Alloh teu mikaresep jalma anu kaleuleuwihan,” (QS. Al-A’raf [7]: 31).

 

Nyakitu deui sareng tingkah sia-sia nu teu aya makna. Kangjeng Rosul parantos maparin isyarat ka urang sadayana yen tanda hade kaislaman hiji jalma ditingal tina sabara jauh manehna ninggalkeun hal-hal anu teu aya maknana.

 

مِنْ حُسْنِ إِسْلَامِ الْمَرْءِ تَرْكُ مَا لَا يَعْنِيْهِ

 

Hartosna, “Di antara tanda hadena kaislaman hiji jalma nyaeta ninggalkeun hal-hal anu teu bermakna keur manehna,” (HR. At-Tirmidzi).

 

Sidang Jumat Rahimakumullah,

Kalima, tinggalkeun mumusuhan sareng papaduan, niscaya urang salamet sareng meunang kauntungan dina poe Kiamah. Kawajiban ninggalkeun mumusuhan sareng parentah damey ieu teh tos dijentrekeun dina Al-Quran:

 

اِنَّمَا الْمُؤْمِنُوْنَ اِخْوَةٌ فَاَصْلِحُوْا بَيْنَ اَخَوَيْكُمْ وَاتَّقُوا اللّٰهَ لَعَلَّكُمْ تُرْحَمُوْنَࣖ

 

Hartosna, “Saenya-enyana sasama jalma mu’min teh eta dulur, ku sabab kitu dameykeun di antara dulur-dulur aranjeun,” QS. Al-Hujurat [49]: 10).

 

Ngalangkungan ieu ayat, Alloh netelakeun yen papada mu’min teh eta dulur, sahingga teu meunang papaduan. Sabab, bisa jadi ari mumusuhan teh upami teu rengse di dunya kedah direngsekeun di akherat.

 
Sidang Jumat Rahimakumullah,

Kagenep, tinggalkeun sifat koret, maka urang bakal disebat-sebat di payuneun makhluk. Diuningakeun ku Kangjeng Rosul yen moal kumpul antara kaimanan sareng kakoretan.

 

لَا يَجْتَمِعُ الْإِيْمَانُ وَالْبُخْلُ فِي قَلْبِ رَجُلٍ مُؤْمِنٍ

 

Hartosna, “Moal ngumpul kaimanan sareng kakoretan dina hate jalma mu’min,” (HR. Ibnu Sa’d).

 

Salajengna upami urang merhatoskeun hadits di luhur, sifat koret sanes sifat jalma mu’min. Sabab, moal kumpul antara sifat iman sareng sifat koret.

 

Hadirin sadayana anu mulya, ta eta genep perkara anu kedah ditinggalkeun ku urang lamu urang benar-benar hoyong kabagjaan akherat.

 

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَّلَ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمُ

 

Khutbah II

 

اَلْحَمْدُ لِلّٰهِ الَّذِيْ أَمَرَنَا بِاْلاِتِّحَادِ وَاْلاِعْتِصَامِ بِحَبْلِ اللهِ الْمَتِيْنِ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَشَرِيْكَ لَهُ إِيَّاهُ نَعْبُدُ وَإِيَّاهُ نَسْتَعِيْنُ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ. اِتَّقُوا اللهَ مَا اسْتَطَعْتُمْ وَسَارِعُوْا إِلَى مَغْفِرَةِ رَبِّ الْعَالَمِيْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهَا الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا  اَللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى اٰلِهِ وَصَحْبِهِ أَجْمَعِيْنَ

 

اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَالْمُسْلِمَاتِ اَلاَحْيَاءِ مِنْهُمْ وَالْاَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ بِرَحْمَتِكَ يَا اَرْحَمَ الرَّحِمِيْن

 

اَللّٰهُمَّ اغْفِرْلَنَا وَلِوَالِدَيْنَا وَارْحَمْهُمَا كَمَا رَبَّيَانَا صِغَارًا، اَللّهُمَّ إِنَّا نَسْأَلُكَ إِيْمَانًا كَامِلًا وَيَقِيْنًا صَادِقًا وَرِزْقًا وَاسِعًا وَقَلْبًا خَاشِعًا وَلِسَانًا ذَاكِرًا وَحَلَالًا طَيِّبًا وَتَوْبَةً نَصُوْحًا. رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ

 

عِبَادَ اللهِ، إِنَّ اللهَ يَأْمُرُ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنْكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوا اللهَ الْعَظِيْمَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ

 

M. Tatam Wijaya, Penyuluh dan Petugas KUA Sukanagara-Cianjur, Jawa Barat.