Ada tiga pilar agama Islam, yaitu iman, Islam, dan ihsan. Dalam istilah lain, ketiganya disebut akidah, syariah, dan akhlak. Akidah dikaji dalam ilmu tauhid, syariah dikaji dalam ilmu fiqih, dan adab atau akhlak dikaji dalam ilmu tasawuf. Ketiganya adalah pilar yang harus saling menguatkan sehingga kita tidak boleh bertumpu pada salah satunya agar bisa mencapai ma’rifat kepada Allah. 

 

Khutbah Jumat bahasa Sunda ini berjudul, “Khutbah Jumat Bahasa Sunda:  Nguatkeun Iman, Islam, jeung Ihsan keur Ngahontal Ma’rifat”. Untuk mencetak silahkan klik fitur download berwarna merah di desktop pada bagian atas naskah khutbah ini. Semoga bermanfaat!

 

Khutbah I

   

إِنَّ الْحَمْدَ لِلّٰهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِ أَنْفُسِنَا وَمِنْ سَيّئَاتِ أَعْمَالِنَا مَنْ يَهْدِهِ اللهُ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ، أَشْهَدُ أَنْ لَا إِلٰهَ إِلَّا اللهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الْقِيَامَةِ، أَمَّا بَعْدُ، فَيَاعِبَادَ الرَّحْمٰنِ، فَإنِّي أُوْصِيْكُمْ وَنَفْسِي بِتَقْوَى اللهِ المَنَّانِ، الْقَائِلِ فِي كِتَابِهِ الْقُرْآنِ: يَاأَيُّهَا الَّذِينَ آمَنُوا اتَّقُوا اللّٰهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ، صَدَقَ اللهُ الْعَظِيْمُ 

 

Hadirin sidang Jumah rohimakumulloh   

Sugrining puji anu sampurna sareng pangalem anu sagemlengna eta tetep kagungan Alloh, Dzat anu mika welas ka abdi-abdina, Dzat anu ngaluhurkeun darajat anu bakti ka Anjeunna. Sholawat sareng salam anu utami mugia tetap ka pang afdol-afdolna nabi, nyaeta Kangjeng Nabi Muhammad saw, miwah kulawargina, para sahabatna, tabi’in tabiatna, dugika urang sadayana salaku umatna anu sapapaosna miharep syafaatna.  

 

Hadirin sidang Jumah rohimakumulloh   

Ari agama Islam teh ngagaduhan tilu tihang anu kuat. Tilu tihang eta teh nyaeta tihang iman, tihang Islam, sareng tihang ihsan. Tilu tihang ieu teh kedah ngadeg tiluannana keur ngawangun agama Islam anu panceg teu unggut kalinduan tur gedag kaanginan.  

 

Istilah iman ku para ulama disebat aqidah, teras istilah ‘÷slam’ disebat syareat, teras istilah ihsan disebat akhlak. Sedengkeun elmu nu ngaji kana kaimanan atanapi akidah disebat elmu tauhid, elmu nu ngaji kana islam atanapi syaerat nyaeta elmu fiqih, teras elmu nu ngaji kana ihsan disebat elmu tasawuf sareng akhlak. 

 

Sakumaha kauninga, tihang kahji nyaeta tihang iman ngadeg dina saluhureun fondasi anu genep, nyaeta fondasi iman ka Alloh, iman ka para malaikat Alloh, iman ka kitab-kitab  Alloh, iman ka para rosul Alloh, iman kana Poe Akhir, sareng iman kana qodho-qodar-Na. 

 

Hal ieu dumasar kana hadits Kangjeng Rosul riwayat Sayyidina Umar bin Khathab sawaktos disumpingan ku malaikat Jibril. Waktos harita malaikat Jibril tumaros:

 

يَا مُحَمَّدُ ‌أَخْبِرْنِي ‌عَنِ ‌الإِيمَانِ مَا الإِيمَانُ قَالَ النَّبِيُّ صلى الله عليه وسلم: الْإِيمَانُ أَنْ تُؤْمِنَ بِاللَّهِ، وَمَلَائِكَتِهِ، وَكُتُبِهِ، وَرُسُلِهِ، وَلِقَائِهِ، وَالْيَوْمِ الْآخِرِ، وَالْقَدَرِ خَيْرِهِ وَشَرِّهِ مِنَ اللَّهِ.

 

Hartosna, “He Muhammad, carioskeun ka kaula perkawis iman, naon ari iman? Kangjeng Rosul ngawaler, iman teh nyaeta anjeun iman ka Alloh, iman ka para malaikat-Na, iman kana kitab-kitab-Na, iman ka para rosul-Na,  iman kana pendak sareng Mantenna, iman kana poe Akhir, sareng iman kana qodar hade sareng gorengna ti Alloh,”  (HR. Ahmad).

 

Hadirin sidang Jumah rohimakumulloh   

Salajengna tihang kadua nyate tihang Islam ngadeg dina fondasi anu lima, dumasar kana lajengan hadits anu sami sawaktos Kangjeng Rosul ditaros ku malaikat Jibril:

 

أَخْبِرْنِي عَنِ الْإِسْلَامِ، قَالَ: شَهَادَةُ أَنْ لَا إِلَهَ إِلَّا اللهُ وَأَنِّي رَسُولُ اللهِ وَإِقَامُ الصَّلَاةِ وَإِيتَاءُ الزَّكَاةِ وَحَجُّ الْبَيْتِ وَصَوْمُ رَمَضَانَ

 

Hartosna, “Carioskeun ka kaula perkawis Islam. Kangjeng Rosul ngawaler, (Islam teh nyaeta) nyaksian yen teu aya pangeran anging Alloh oge saenya-enyana kaula eta teh utusan-Na, teras ngadegkeun sholat, ngaluarkeun zakat, ngalakonan ibadah haji, sareng puasa dina bulan suci Romadhon,” (HR. Ahmad).

 

Terakhir, tihang anu katilu nyaeta tihang ihsan, anu ngadeg dina hiji fondasi nyaeta ngarasa sasarengan sareng Alloh, sakumaha lajengan hadits anu di luhur:

 

فَأَخْبِرْنِي عَنِ الْإِحْسَانِ، مَا الْإِحْسَانُ؟ قَالَ: أَنْ تَعْبُدَ اللَّهَ كَأَنَّكَ تَرَاهُ، فَإِنْ لَمْ تَكُنْ تَرَاهُ فَإِنَّهُ يَرَاكَ

 

Hartosna, “Teras carioskeun ka kaula perkawis ihsan. Naon ari ihsan?” Kangjeng Rosul ngawaler, “(Ihsan teh nyaeta) anjeun ibadah ka Alloh saolah-olah anjeun ningal ka Alloh. Lamun anjeun teu acan tiasa ningal ka Alloh, maka senya-enyana rasakeun yen Anjeunna mah ningal ka anjeun.”

 

Hadirin sidang Jumah rohimakumulloh   

Janten, tihang agama urang anu kahiji teh nyaeta iman ka Alloh, malaikait, kitab, rosul, poe akhir sareng qodho-qodar. Hartosna yakin dina kaimanan teh nyaeta:

 

اَلتَّصْدِيْقُ الْجَازِمُ مُطَابِقًا لِلْوَاقِعِ عَنْ دَلِيْلٍ

 

Hartosna, “Kayakinan anu sifatna pasti luyu sareng kanyaataan oge dumasar kana dalil.” Kitu dawuhan Al-Qadhi Abdun Nabi dina kitab Dusturul Ulama, jilid 3, kaca 334.

 

Cohagna, kaimanan teh kayakinan hate anu sifatna pasti tur 100 persen, teu aya karaguan oge kamangmangan sanajan sauetik. Oge kayakinan eta teh ditujukeun kana perkara anu faktual sareng luyu sareng kanyataan, sarta diwangun dina saluhureun dalil anu kuat, imma dalil naqli anu sumberna tina Al-Quran sareng Sunnah, atanapi dalil ‘aqli anu asalna tina nalar rasio anu sehat.

 

Tah kayakinan ieu anu ngalahirkeun kakuatan tauhid ka Alloh, imma tauhid kana Dzat-Na, tauhid kana sifat-sifat-Na, atanapi tauhid kana padamelan-padamelan-Na. Hartosna, Alloh teh tunggal dina dzat, sifat, sareng dina padamelannana. Alloh wujud tunggal anu teu aya tanding jeung teu aya papadana, dzat anu qadim teu kapiheulaan ku sasaha, dzat baqo, kekal, abadi moal kakeunaan ku sifat ruksak, fana, tur maot.

 

Ku hal sakitu, keur nguatan kaimanan, kayakinan, sareng katauhidan urang ka Alloh, urang wajib uninga kana sifat-sifat sareng nami-nami Alloh. Di antawisna 99 nami Alloh anu dijelaskeun dina Al-Quran, sareng 20 sifat wajib anu diuningakeun ku ulama Ahli Sunnah Waljamaah. Anu sadayana oge ngagambarkeun kasampurnaan nami, sifat, sareng padamelan-padamelan-Nana. Teu aya tanding sareng bandingannana. Sareng moal aya anu nyarupaan hiji perkara anu aya alam dunya.

 

Kalih ti eta, urang wajib uninga kana sifat anu mustahil sareng sifat anu wenang di Mantenna, sanes kanten urang uninga kana nami sareng sifat anu aya di para malaikat, para rosul, sareng kitab-kitab anu dilungsurkeun ku Alloh, oge uninga kana gambaran poe Akhir, qodho-qodhar, miwah perkara gaib sanesna, sapertos ni’mat sareng siksa kubur, poe kabangkitan, padang mahsyar, timbangan amal, jamatan Shirothol Mustaqim, sareng surga-naraka numutkeun dalil-dalil anu soheh.

 

Hadirin sidang Jumah rohimakumulloh   

Saparantos nguatkeun tihang kaimanan ku cara ngiatkeun kayakinan sareng katauhidan ka Alloh, salajengna urang ngiatkeun kaislaman ku amaliah syareat nu diwangun dina fondasi syahadat, sholat, zakat, puasa, sareng munggah haji, anu dilingkung ku hukum anu lima nyaeta wajib, sunat, haram, makruh, sareng wenang.

 

Hartosna, teu cukup urang nyangreudkeun kaimanan dina hate ku cara ngandelan kayakinan sareng katauhidan, lamun teu acan ngagindingan eta kaimanan ku amaliah syareat anu teu leupas tina midamel parentah jeung ninggalkeun larangan Alloh.

 

Nyakitu deui, urang moal tiasa dugi kana rasa ni’matna ibadah lamun teu tiasa ngadegkeun tihang ihsan. Ari ngamantapkeun kaihsanan moal tiasa hasil samemeh urang tiasa ngolah tur meresihan hate. Hartos mayunkeun hate sapinuhna nalika ibadah ka Alloh, saolah-olah urang nuju diawaskeun ku Alloh.

 

Lamun urang teu acan tiasa ngarasa diawaskeun ku Alloh, maka yakinkeun dina hate yen urang salamina ngaraos ditinggal ku Alloh. Lamun can tiasa keneh wae ngarasa ningal atanapi ditingal ku Alloh, maka bersihan heula hatena tina rupa-rupa kokotor dosa jeung panyakit hatena, saperti hasud, sombong, jeung riya.

 

Tah eta tilu tihang anu ku urang kedah diadegkeun sareng teu kenging dipisahkeun dina sajeroning ngalaksanakeun ajaran agama. Nu matak elmuna kedah diaji tiluananan, supaya urang bener-bener panceg ngajalankeunnana kalayan tiasa hasil ngahontal ma'rifat ka Alloh sareng kenging karidhoan-Nana.

 

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَلَّ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمُ

 

Khutbah II

 

اَلْحَمْدُ لِلّٰهِ الَّذِيْ أَمَرَنَا بِاْلاِتِّحَادِ وَاْلاِعْتِصَامِ بِحَبْلِ اللهِ الْمَتِيْنِ. أَشْهَدُ أَنْ لَا إِلٰهَ إِلَّا اللهُ وَحْدَهُ لاَشَرِيْكَ لَهُ، إِيَّاهُ نَعْبُدُ وَإِيَّاُه نَسْتَعِيْنُ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ. اَللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا  اَللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى اٰلِهِ وَصَحْبِهِ أَجْمَعِيْنَ

 

اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَ الْمُسْلِمَاتِ اَلاَحْيَاءِ مِنْهُمْ وَالْاَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ ، اَللّهُمَّ إِنَّا نَسْأَلُكَ إِيْمَانًا كَامِلاً وَيَقِيْنًا صَادِقًا وَرِزْقًا وَاسِعًا وَقَلْبًا خَاشِعًا وَلِسَانًا ذَاكِرًا وَحَلَالًا طَيِّبًا وَ تَوْبَةً نَصُوْحًا. رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ

 

عِبَادَ اللهِ، إِنَّ اللهَ يَأْمُرُ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوا اللهَ الْعَظِيْمَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ

 

M. Tatam Wijaya, Penyuluh dan Petugas KUA Sukanagara-Cianjur, Jawa Barat.