Khutbah Jumat Bahasa Madura: Larangan Ngintengaki Oreng Laen

Khutbah Jumat bahasa Madura ini mengajak kepada para jamaah tidak pernah menghina atau meremehkan orang lain seperti apa pun keadaan dan posisinya. Sebab, bisa jadi orang yang diremehkan lebih baik dan lebih sempurna dari dirinya di sisi Allah swt. Semua umat Islam harus saling menghormati dan memuliakan yang lainnya, tidak ada alasan apa pun yang bisa diterima untuk bisa menghina dan meremehkan yang lainnya.

Naskah khutbah Jumat berikut ini dengan judul, “Khutbah Jumat Bahasa Madura: Larangan Ngintengaki Oreng Laen.” Untuk mencetak naskah khutbah Jumat ini, silakan klik ikon print berwarna merah di atas atau bawah artikel ini (pada tampilan desktop). Semoga bermanfaat!

 
Khutbah I

اَلْحَمْدُ لِلهِ الَّذِيْ جَعَلَ شَهْرَ الْمُحَرَّمَ غُزَّةَ وَجْهِ الْعَامِ، وَأَجْزَلَ فِيْهِ الْفَضَائَلَ وَالْاِنْعَام، وَفَضَّلَ أَيَّامَهُ عَلَى سَائِرِ الْأَيَّامِ، وَدَبَّرَ الْأَكْوَانَ بِحِكْمَتِهِ الْبَالِغَةِ فَلاَ تُحِيْطُ بِكُنْهِ حَقِيْقَتِهِ الْأَفْهَامُ، وَجَدَّدَ الْأَعْوَامَ فَكَانَتْ عِبْرًا جَلِيَّةً لِمَنْ يَتَدَبَّرُهَا مِنَ الْأَنَامِ، وَافْتَتَحَهَا بِالْمُحَرَّمِ الْحَرَامِ الْمُعَظَّمِ فِي الْجَاهِلِيَّةِ وَالْاِسْلاَمِ. وَالصَّلَاةُ وَالسَّلَامُ عَلَى سَيِّدِنَا مُحَمَّدٍ اَلْمَبْعُوْثِ عَلَى جَمِيْعِ الْأَنَامِ، وَعَلَى أَلِهِ وَأَصْحَابِهِ هُدَاةِ الْأَنَامِ وَمَصَابِيْحِ الظَّلَامِ

أَشْهَدُ أَنْ لَااِلَهَ اِلَّا الله وَحْدَهُ لَا شَرِيْكَ لَهُ، اِلَهٌ تَفَرَّدَ بِالْكَمَالِ وَالتَّمَامِ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ أَفْضَلُ مَنْ صَلَّى وَصَامَ. أَمَّا بَعْدُ: فيا عباد الله أُوْصِيْكُمْ وَاِيَايَ أولا بِتَقْوَى اللهِ تعالى وَطَاعَتِهِ بِامْتِثَالِ أَوَامِرِهِ وَاجْتِنَابِ نَوَاهِيْهِ. قَالَ اللهُ تَعَالَى فِي الْقُرْاَنِ الْكَرِيْمِ: يَا أَيُّهَا الَّذِينَ آمَنُوا لا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْراً مِنْهُمْ وَلا نِسَاءٌ مِنْ نِسَاءٍ عَسَى أَنْ يَكُنَّ خَيْراً مِنْهُنَّ وَلا تَلْمِزُوا أَنْفُسَكُمْ وَلا تَنَابَزُوا بِالأَلْقَابِ بِئْسَ الِاسْمُ الْفُسُوقُ بَعْدَ الْأِيمَانِ وَمَنْ لَمْ يَتُبْ فَأُولَئِكَ هُمُ الظَّالِمُونَ

Ma’asyiral Muslimin jamaah Jumat se e molje aki sareng Alloh

Ngireng kuleh sareng ajunan sadejeh amojih tor a syukkur dek ajunan epon Alloh swt, kalaben ma istiqomah alafad aki al-hamdulillahi rabbil ‘alamin, se ampon atetti aki sadejenah manussah kakdintoh kalaben bentuk sareng ropah se paleng sae, saenggeh tadek alasan panapah saos se bisa eguna aki untuk abek-jubek aki sareng ngintengaki oreng laen. Mogeh-mogeh ibedeh sholat Jumat kakdintoh kataremah sareng ajunan epon Alloh.

Sholawet sareng salam nyatoreh atoraki kalaben istiqomah dek ajunan epon se muljeh, panutan manussah sadejeh, enggi kakdintoh Nabi Muhammad saw, kalaben pamaosan allahumma shalli wa salim ‘ala Muhammad wa ‘ala alih wa sahbih, se ampon ngangkak derejet manussah deri kebuduen se sanget petteng ben jeu deri cahaya hideyeh, menuju tempat se sanget agung enggi kakdintoh agemah Islam, sareng sadejeh keluarga, para sohabet, sareng se istikomah ngireng lampanah kanjeng nabi.

Selanjut epon, melalui mimber se sanget muljeh kakdintoh, abdinah selaku khotib ngajek dek abek dibik, keluarga, sareng sadejeh para jamaah se hadir delem pelaksanaan sholat Jumat kakdintoh, untuk teros usaha delem aningkat aki ketakwaan dek ajunan epon Alloh, kalaben ibedeh-ibedeh ben kapekusen se bisa kuleh ajunan lakonih. Sebeb hanya kalaben takwa kakdintoh, kuleh sareng ajunan sadejeh bisa salamet mulai deri dunnyah kantos akherat, ben mugeh-mugeh Islam sareng iman kakdintoh bisa ebektah sareng kuleh sampean sampe depak omor. Amin.

Ma’asyiral Muslimin jamaah Jumat se e molje aki sareng Alloh

Kuleh sareng panjennengan sadejeh kakdintoh odik e dunnya coma kalaben tojjuen sittung, enggi kakdintoh ibedeh dek ajunan epon Alloh swt. Nikah tujuan utama e tettiyakinah manussah. Hal-hal se tak anilai ibedeh hakikatnya benne kalakoennah manussah, karena sadejeh benne e tetti aki untuk kaiyeh. Ibede kakdintoh tak hanya aropah sholat saos, tak hanya aropah pasah saos, namun sadejeh se anilai kapekusen kakdintoh jugen eyanggep ibedeh.

Berkaitan sareng e tetti akinah manussah untuk ibedeh kakdintoh, delem Al-Qur’an Alloh swt ampon anegges aki, enggi kakdintoh:

وَمَا خَلَقْتُ الْجِنَّ وَالْأِنْسَ إِلاَّ لِيَعْبُدُونِ

Arte epon, “Engkok tak adeddiyaki manussah sareng jin selaen sopajeh ibedeh dek sengkok.” (QS Adz-Dzariyat [51]: 56).

Sala sittung ibedeh kakdintoh se bisa e lakonih sareng kuleh sadejeh ben nikah berhubungan sareng kamanussa’an tor tengka se sae antar manussah, enggi kakdintoh tak pernah ngintengaki oreng laen delem kabedeen panapah saos. Nikah aropa aki kawejiben dek sadejeh manussah karena aropa aki parenta deri ajunan epon Alloh swt.

Ma’asyiral Muslimin jamaah Jumat se e molje aki sareng Alloh

Alasan sopajeh tak ngintengaki dek oreng laen kintoh sanget simpel, enggi kakdintoh bisa jadi oreng se e entengaki sareng kuleh panjennengan sadejeh nikah lebbi sae ben lebbi pekus deri se ngintengaki. Milanah deri kakdintoh, Alloh swt delem Al-Qur’an ampon negges aki, enggi kakdintoh:

يَا أَيُّهَا الَّذِينَ آمَنُوا لا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْراً مِنْهُمْ وَلا نِسَاءٌ مِنْ نِسَاءٍ عَسَى أَنْ يَكُنَّ خَيْراً مِنْهُنَّ وَلا تَلْمِزُوا أَنْفُسَكُمْ وَلا تَنَابَزُوا بِالأَلْقَابِ بِئْسَ الِاسْمُ الْفُسُوقُ بَعْدَ الْأِيمَانِ وَمَنْ لَمْ يَتُبْ فَأُولَئِكَ هُمُ الظَّالِمُونَ

Arte epon, “Wahai oreng-oreng se iman! Jhek sampek suatu kaum ngintengaki kaum se laen (karena) bisa jadi mereka (se e entengaki) lebbi sae deri mereka (se ngintengaki) ben jhek sampe jugen oreng binek (ngintengaki) oreng binek laen (karena) bisa jadi reng binek se (se e entengaki) lebbi sae deri reng binek (se ngintengaki).” (QS Al-Hujurat [49]: 11).

Ayet kakdintoh aropa aki pangingak dek kuleh sareng sampean sadejeh sopajeh tak pernah ngintengaki dek oreng laen, sekaligus anegges aki jhek ngintengaki nikah aropa aki kalakoan se sanget e larang delem Islam. Bennyak oreng-oreng se dalam paningalah manussah nikag tak sae, namun akherrah tettih oreng se sanget sae.

Sala sittung contonah enggi kakdintoh sahabet nabi se ekenal kalaben nyamah Sayyidina Umar al-Faruk. Sayyidina Umar kakdintoh sebelum masok Islam aropa aki oreng se paleng hasrat untuk mate’eh nabi, bahkan benar-benar alaksana akinah, namun akherrah kalaben kasokannah pangeran, beliau justru tettih sohabet se sanget semmak dek nabi, bahkan makammah jugen apolong sareng nabi.

Milanah deri nikah, ngireng kuleh sareng panjennengan sadejeh numbu aki sifat se sae delem ateh, sopajeh tak gempang ngintengaki dek oreng laen, tak gempang ajubek aki tor nyebbar aki kajubek ennah oreng laen, karena nilai kemuljeen tor ka saean nikah sadejeh tak e okor derih debunah, namun deri kalako ennah, ben se oning dek kalako ennah sadejeh manussah antara se sae sareng punten kakdintoh coma ajunan epon Alloh swt.

Ma’asyiral Muslimin jamaah Jumat se e molje aki sareng Alloh

Hujatul Islam Abu Hamid al-Ghazali delem kitab karangennah se anyamah Bidayatul Hidayah kakdintoh apareng tips-tips dek kuleh sareng panjennengan sadejeh sopajeh tak biasa aremeaki ben ngintengaki dek oreng laen, kadih panapah saos kabede ennah, baik dek se lebbi seppo, ngudeh, se alem, buduh, bahkan dek oreng non muslim sekalipun tak kengeng untuk ngintengaki.

Delem kitab epon ejellasaki, manabi kuleh sareng sampean ningaleh dek anak kenik, maka krettek aki delem ateh jhek anak kenik kakdintoh lebbi sakonik maksiatteh, tentonah lebbi pegus jugen deri kuleh sampean. Manabi ningaleh dek se lebbi seppo maka krettek aki delem ateh jhek ibedenah oreng seppo nikah lebbi bennyak, tentoh manabi ibedeh lebbi bennya jugen lebbi pekus.

Manabi ningaleh dek oreng alem, maka krettek aki delem ateh jhek oreng kaiyeh ampon ngaolle kamuljeen se tak e kaolle bik se laen, tentoh nikah jugen lebbi sae. Manabi ningaleh dek oreng buduh, maka krettek aki jugen delem ateh jhek oreng kaiyeh ngalakonih kasalaan karenah sebeb tak oning, sementara abek dibik oning, tentoh kaiyeh lebbi sae.

Sapanikah jugen ketika ningaleh oreng se laen agemah, maka krettek aki delem ateh jhek jhek aher deri omorrah sadejeh manussah nikah tadek se oning, bisa jadi kaiyeh saat samangken kafir namun sareng Alloh pekal eparengih hideyeh senggenah bisa masok Islam, ben tak epanggi jugen nasib kuleh sampean sadejeh, enggi mangken Islam, manabi sareng Alloh e cebbut, pas kadih napah nasibbeh?

وَإِنْ كَانَ كَافِرًا قُلْتَ: لَا أَدْرِي، عَسَى أَنْ يُسْلَمَ وَيُخْتَمَ لَهُ بِخَيْرِ الْعَمَلِ، وَيَنْسَلَ بِإِسْلَامِهِ مِنَ الذُّنُوْبِ

Arte epon, “Manabi ningaleh oreng kafir, maka krettek aki delem ateh jhek tadek se oning pastenah manussah, bisa jadi kaiyeh pekal masok Islam akherrah ageduen akher omor se sae, tor sadejeh dusanah epa elang sebeb Islammah.”

Ma’asyiral Muslimin jamaah Jumat se e molje aki sareng Alloh

Panapah se ampon ejellasaki gellek kakdissah, aropa aki sala sittung pengingat dek kuleh sareng panjennengan sadejeh, sopajeh tak abiasa aki ngintengai dek oreng laen, kadih panapah saos kebedeen sareng statusseh. Manabi bedeh hal-hal se bisa tettih panyebeb untuk ngintengaki oreng laen, tulih obe! Pa muncul sifat husnudzon sopajeh kuleh sampean sadejeh bisa tettih oreng se salamet, baik e dunnyak otabeh e akherat.

Sakakdinoh bedenah khutbah Jumat kaleben larangan ngintengai dek oreng laen kakdintoh. Mugeh-mugeh bedenah khutbah kakdintoh bisa apektah manfaat tor barokah dek kuleh sareng ajunan sadejeh, serta bisa tettih panyebeb untuk bisa ningkat aki ibedeh ben ketakwaan dek ajunan epon Alloh swt. Amin ya rabbal alamin.

بَارَكَ اللهُ لِيْ وَلَكُمْ فِيْ هَذَا الْيَوْمِ الْكَرِيْمِ، وَنَفَعَنِيْ وَاِيَاكُمْ بِمَا فِيْهِ مِنَ الصَّلَاةِ وَالصَّدَقَةِ وَتِلَاوَةِ الْقُرْاَنِ وَجَمِيْعِ الطَّاعَاتِ، وَتَقَبَّلَ مِنِّيْ وَمِنْكُمْ جَمِيْعَ أَعْمَالِنَا إِنَّهُ هُوَ الْحَكِيْمُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ لِيْ وَلَكُمْ، فَاسْتَغْفِرُوْهُ، اِنَّهُ هُوَ الْغَفُوْرُ الرَّحِيْمُ

Khutbah II

اَلْحَمْدُ لِلهِ حَمْدًا كَمَا أَمَرَ. أَشْهَدُ أَنْ لَااِلَهَ اِلَّا الله وَحْدَهُ لَا شَرِيْكَ لَهُ، اِلَهٌ لَمْ يَزَلْ عَلَى كُلِّ شَيْءٍ وَكِيْلًا. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ وَحَبِيْبُهُ وَخَلِيْلُهُ، أَكْرَمِ الْأَوَّلِيْنَ وَالْأَخِرِيْنَ، اَلْمَبْعُوْثِ رَحْمَةً لِلْعَالَمِيْنَ. اللهم صَلِّ وَسَلِّمْ عَلَى سَيِّدِنَا مُحَمَّدٍ وَعَلىَ أَلِهِ وَأَصْحَابِهِ وَمَنْ كَانَ لَهُمْ مِنَ التَّابِعِيْنَ، صَلَاةً دَائِمَةً بِدَوَامِ السَّمَوَاتِ وَالْأَرْضِيْنَ.

أَمَّا بَعْدُ: فَيَا أَيُّهَا الْحَاضِرُوْنَ اتَّقُوا اللَّهَ حَقَّ تُقَاتِهِ وَذَرُوْا الْفَوَاحِشَ مَا ظَهَرَ مِنْهَا وَمَا بَطَنَ. وَحَافِظُوْا عَلَى الطَّاعَةِ وَحُضُوْرِ الْجُمْعَةِ وَالْجَمَاعَةِ وَالصَّوْمِ وَجَمِيْعِ الْمَأْمُوْرَاتِ وَالْوَاجِبَاتِ. وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ بِنَفْسِهِ. وَثَنَى بِمَلَائِكَةِ الْمُسَبِّحَةِ بِقُدْسِهِ. إِِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً.

اللهم صَلِّ عَلَى سَيِّدِنَا مُحَمَّدٍ وَعَلَى أَلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا اِبْرَاهِيْمَ وَعَلَى أَلِ سَيِّدِنَا اِبْرَاهِيْمَ وَبَارِكْ عَلَى سَيِّدِنَا مُحَمَّدٍ وَعَلَى أَلِ سَيِّدِنَا مُحَمَّدٍ كَمَا بَارَكْتَ عَلَى سَيِّدِنَا اِبْرَاهِيْمَ وَعَلَى أَلِ سَيِّدِنَا اِبْرَاهِيْمَ فِيْ العَالَمِيْنَ اِنَّكَ حَمِيْدٌ مَجِيْدٌ. اللهم اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اَلْأَحْيَاءِ مِنْهُمْ وِالْأَمْوَاتِ. اللهم ادْفَعْ عَنَّا الْبَلَاءَ وَالْغَلَاءَ وَالْوَبَاءَ وَالْفَحْشَاءَ وَالْمُنْكَرَ وَالْبَغْيَ وَالسُّيُوْفَ الْمُخْتَلِفَةَ وَالشَّدَائِدَ وَالْمِحَنَ، مَا ظَهَرَ مِنْهَا وَمَا بَطَنَ، مِنْ بَلَدِنَا هَذَا خَاصَةً وَمِنْ بُلْدَانِ الْمُسْلِمِيْنَ عَامَةً، اِنَّكَ عَلَى كُلِّ شَيْءٍ قَدِيْرٌ

عِبَادَ اللهِ، اِنَّ اللهَ يَأْمُرُكُمْ بِالْعَدْلِ وَالْاِحْسَانِ وَاِيْتَاءِ ذِيْ الْقُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذْكُرُوْا اللهَ الْعَظِيْمَ يَذْكُرُكُمْ وَلَذِكْرُ اللهِ أَكْبَرُ

Sunnatullah, Pengajar di Pondok Pesantren Al-Hikmah Darussalam Durjan Kokop Bangkalan Jawa Timur.a